頹

呢排，都提唔起勁，日日上網，差唔多八月了，八月中就要面對現實
也應該收拾一下自己的書本，再開動

26.7.2008(六)—起身之後就答人msn，唔知點解，o個日自己會咁樣講野，不過說的也是我心中的話，不需要任何裝飾，看的人怎樣看是他們的事，有什麼感受，有什麼回應，我也不能估計、阻止。我就是太好人吧，永遠問人的問題就只有一成會有回覆，相反，別人問我的問題，即使不懂，也會盡量利用網絡的力量找出答案來解答別人。太累吧！

食完飯後，走了到第一城的林漢光中學參與九龍五旬節會沙田堂的週六崇拜，因早前答應了謙兄的一個承諾，起初，進到學校的禮堂，感覺好像平時學校係禮堂舉辦活動，未開始時，人總走來走去的，之後找到阿謙，坐左佢隔離，之後全部人站立著，向身旁的每一位打招呼，握手的開始了一次的崇拜，之後唱敬拜詩歌，講道，唱詩歌，就完了在禮堂裡的活動，之後小組活動，今次是外出宣傳，各組到區內不同地方向市民派發及邀請他們參加佈道會活動的資料卡片。被蚊咬了不少呢= ="

一整天完了，可能是我不信基督教吧，聽不太懂講道說的東西，搞不太懂唱詩歌的原因，看見嚴祺領唱，感覺就像他參加歌唱比賽一樣，也許這就是他練習唱功的機會和時間吧！也許，時間可以讓我把這一切弄清楚，唔知有無恆心，每星期都走過去第一城那邊呢。^o^"

話說了不能收回，感覺也不能控制，意思卻千變萬化，試從另一角度想，也許會豁然不同。

無打xg差唔多成個月，打番呢幾日啦
無相機，無相，唔想睇字就可以annoy左佢

19.7.2008 葉生18歲生日快樂！Happy Birthday!
下午同伯娘去左樓下間中國會飲茶
服務超掂，d待應掂行掂過，就算個邊係做緊自助餐都無理由唔睇下有無人舉手姐
之後不斷上菜，張台唔夠大就慢慢上啦，我地食完又唔會幫我地收番，最後叫杯檸茶最離鋪，送上黎個陣見到杯野的色仲以為叫左檸檬奶茶，飲落又苦又澀，叫佢比杯糖水，比半杯，我地三杯檸茶呀大佬，最後分左比兩杯，都好過無，飲晒

夜晚自己出左旺角行，先幫阿妹買左本Workbook $58.2，貴到死，朗文正呃錢，行朗豪坊，見到唔少鋪Sales緊，不過睇唔岩，又唔記得個間H&M只有女裝，走左去波鞋街，d鞋又唔係特別平，只係多款，去番馬拉松好過，唔洗同人逼

過番去又一城行，相比朗豪坊，闊落好多，先上左Francfranc睇，睇左好耐，都諗唔到買咩比葉生做禮物，d野唔太岩佢用，之後去左行UNIQLO，做緊Seasonal Sales，買左兩件衫，又食左KFC，個staff湛左成杯冰的汽水比我羅，以後都唔食KFC。

18.7.2008 出左Camp，累死
朝早食左McDonalds@UST，特別平，$20.8有早晨全餐+轉凍咖啡
之後聽講座，講Ecotourism，內容不錯，最後又講左海下灣做例子，不過因為訓得少，超累
到左下午一點，係南北小廚食，唯一一餐係包左係營費入面
超多野食，奶黃包、粉果、蝦蛟燒賣、西蘭花、叉燒腸粉、牛肉腸粉、春卷、叉燒酥、干炒牛河、揚州炒飯
我地個台就同第三組group左，第三組就個個都無乜胃口，我地個組就女仔細胃口，四檯人中食得最少的一檯，最後叫左部長唔好比甜品比我地個檯，個部長話，點解唔要呀？送架喎。
送的又點？食得落先得架..XDDDD

17.7.2008 UST Camp
晨早九點幾起身執行裝，之後去補習，得七條友的一班@5樓連城15號房，客席助教vicky@@"，全個現代教育，好似得我地一班上堂，上左個半鐘，發覺Writing卷真係難，仲有，要分析十題題目，我連自己暑假的三篇英文作文都未開始，都唔知點好
上完堂，趕搭港鐵，係彩虹轉小巴，都ok快就到科大，同自己組的組員食左大家樂的午飯之後係先影大合照，再去活動房玩左一個唔係太好玩又浪費時間的遊戲，矇住眼，同無矇眼的組員用唔掂身體同無矇眼的唔講得野的情況下去指示矇住眼的朋友搵番地下的四件野，之後仲要排番次序。如果將範圍set左係全間房應該會好玩d，全部人一齊。之後就分組報告，組組做的野都好似好資料搜集feel，除左第一組要做美總選舉，生活中的物理，做得太AL Physics！大澳同海鮮又有咩關系？我地個組就可以諗下下半年可以做d咩
夜晚又食飯，食左個香辣茄子雞皇飯，之後就全組研究一件環保新發明，最後就發明方便攜帶的多用途餐具，以筷子為基礎，將叉、磁同飲管加入當中，之後就分組匯報，Professor個組的新城市發展真係好有問題，無諗到綠化天台，反而係街道地下鋪水管去吸熱去減低溫度，再羅熱能發電。iHAT uno超正，不過我鐘意iPhoneGlass nano多D，最後都算順利完左一日的活動。

係UST新Hall 318室，好似酒店咁，用磁卡開門，不過無獨立廁所XDDD
共用廁所同浴室都有獨立格，幾好設計，仲好過馬鞍山體育館。不過四十幾人分四格就辛苦晒
如果入去住，都應該幾正下。
全組沖晒涼之後係318度玩鋤大Dee，之後佢地係度玩唔同的Game，又有玩killer，玩到兩點左右，班女仔去左訓，我地就轉左去322度同第三組人玩，alex帶左阿joker陪我地，幾好笑，玩完killer之後就玩大話啤，個個都話我個樣點都唔變，好難捉摸= =: ><"

最後四點幾先訓，超眼訓

14.7.2008-16.7.2008 從三日中，終於感覺到金錢的威力，亦感覺到朋友並不是想象中的朋友，也第二次親身體驗到有女無朋友的說法。相信那人跟我日後只會變得梳離

9.07.2007 試‧可以選擇退出嗎？越升得高，跌得越深
8.07.2007 祝捷會
7.07.2007 學習成果分享會

4.07.2008 音樂比賽
雖然我班無份參與其中，但看見六明與其他參賽者的努力和表演，我們班比也比不上。

其他的，有機會再打吧！
我的心情如果可以有起有跌，我的進步如果可以一直上升，我的缺點如果可以不斷減少，我…如果…可以…